正當個個以為我已準備得7788，其實再睇睇 to do list，仲有好多濕碎野未解決！
而往往濕碎野係需要幾長時間去做的。
一直以為過大禮是結婚前一個月先做得，原來是錯的！
我知道要過左大禮先可以開始派帖，最近問起屋企人先知原來擇日子過大禮便可！
但「過左大禮先可以開始派帖」是對的。來到現在舊曆六月，由男方擇日子，剛剛已通知理性的人叫未來奶奶擇日子喇。
以我們的case來說，最好是在舊曆八月／舊曆十月啦！（舊曆九月清明嘛.....舊曆十一就 really too late）
如果舊曆八月的話，即是2013年9月頭至10月頭喇，計計下10月閞始派帖都差不多。因為最尾一個月唔得閒四圍去食飯派帖，如果有人就唔到時間派帖就寄！
新聞好似話2013年10月1日加郵資，到時要拎去磅磅...... 定要寄掛號以免寄失？
好，那麼要開始處理印帖的事了！我們的場地包帖但不包印，如果經佢地印，要$5/$6一張。
由於最後confirm因為場地唔夠位擺唔足30圍....
我們就擺足28圍，以一張枱俾8套的數量去計，一共俾左233套帖我。
前幾日經開尖東，就順便上去拎埋返屋企先，原來都有一定的重量呢....
雖然自己讀設計，但我亦無打算自己設計喜帖。
有收過設計精美的帖，睇左兩眼，收到一刻有驚喜，然後儲左一排，執屋時都係掉了。
每個人看法不同，對於「即棄」或「遲早都掉」的 items，我個人選擇不用花費太多金錢。
好，又要格價印帖了！參考過幾個方法，如拎返大陸印／淘寶印都唔一定是最便宜。
雖然場地提供的帖唔算話十分精美，不過都尚可接愛，稍後睇下有沒有機會再DIY一下啦（機會好微）
我有諗過在中間 die-cut 心形位放我們的婚照....不過未決定，可能最後都係簡簡單單好了。
返到黎認真係睇下D帖有驚人發現，有兩種色差！一款係偏淺黃（絲帶淺黃色）／另一款係偏金（但絲帶白色）。
連帖封都有偏色，一隻偏米黃／一隻偏米橙，每樣各一半左右....
都算是小問題。
原來入邊都印晒字架？（我唔知其他場地提供的帖係咪一樣這個情況？）
好彩五時恭候＋八時入席是我們預期的時間，否則點算好？
那麼我們就拎去印兩個人名＋日期＋雙方父母名便可。
本來仲想加埋五時觀禮證婚，由於default字數所限，
我會印多張卡仔（namecard size）話俾人知五點會有證婚 ceremony。（約$100 / 300張）
我上網check過如果拎出去拎大約$2-$3一張左右，開稿費$250，用最簡單金金地色字ok架喇。
（但未揀到邊間近自己又抵印，好多人都話昌記好抵，仲未研究details～～）
帖封會由爸爸親手寫（字靚），至於貼紙，我會等朋友幫我畫好Q版公仔後再決定印公仔貼紙定買透明囍字。
印刷時間都要三個星期左右，即係要預一個月....
希望八月前可以找到合適的印刷地方啦！是不是應該拿著張帖出去quote價呢？
無理由拎晒二百幾套去quote價？但如果即場confirm左，咁又可以慳返唔駛走兩次喔.....
to be confirmed.
Facebook Page - https://www.facebook.com/Duckabiemakeup
Wedding Page - https://www.facebook.com/SiuchiHoching
No comments:
Post a Comment